Өнгөрөгч долоо хоногт Leica болон Panasonic компаниуд дижитал камер, линз, программ хангамжийг хөгжүүлэх чиглэлд нягт хамтран ажиллах тохиролцоонд хүрснээ зарласан нь гэрэл зургийн технологийн зах зээлд чухал мэдээ болжээ.
Хоёр компани өөрсдийн үндсэн ноу-хаугаа нэгтгэж, “L2 Technology” нэрийн дор шинэ технологи, шийдлүүдийг боловсруулахаар тохиролцжээ. Цаашдын маркетингийн үйл ажиллагаанд ашиглагдах “L2” нэр нь Leica болон Panasonic-ийн LUMIX брэндийн нэрний эхний үсгийг нийлүүлсэн бэлгэдэлтэй аж.
Энэхүү хамтын ажиллагаагаар хоёр компани Leica-ийн оптик болон дүрслэх технологи, Panasonic-ийн видео болон тоон технологийн хослолыг дээд зэрэгт хүргэх боломжтой болсноо мэдэгджээ.
“Leica” болон “Panasonic” компани 2000 оны наймдугаар сараас хойш хамтран ажилласаар ирсэн юм. Анх дижитал болон аудио-дүрсний төхөөрөмжид зориулсан линзний чиглэлээр хамтрах гэрээ байгуулж байсан бол 2001 онд дижитал камерын салбарт хамтран ажиллахаар болж байв. Харин энэ удаа хоёр талын шилдэг чадваруудыг нийлүүлэн брэнд болгохоор шийдсэн ажээ.
