Нас: 29 • Elf Education, Хамтран үүсгэн байгуулагч
Монголын боловсролын салбарыг өөрчлөх, ар гэрийн бололцооноос үл хамаарч, хүүхэд бүрд тэгш хүртээмжтэй, чанартай боловсрол олгох, монгол хүүхдүүдийг дэлхийн шилдэг их, дээд сургуулиудтай холбох зорилгынхоо төлөө арваад жил зүтгэж буй Б.Батжин “Томүжин академи”, “Томүжин” алтернатив сургууль, “Хүмүүн” сургууль, “Эко гэр” цэцэрлэгийг нэгтгэсэн “Elf Education” цогцолборыг хамтран үүсгэн байгуулж, удирдаж буй.
“Elf Education” цогцолбор нь “Робин Хүүд” зарчим буюу сурагчдын 50-60 хувийг тэтгэлгээр сургах арга барилыг хэрэгжүүлдэг бөгөөд сурах чин хүсэл эрмэлзэлтэй, чадвартай хүүхдүүдийг үнэгүй сургадаг. Мөн сургалтын уламжлалт хэв маягийг эвдсэн алтернатив сургалттай “Томүжин” сургууль нь сурагч өөрийгөө урамшуулах, таньж нээх, тасралтгүй хөгжүүлэх, шийдвэр гаргах, сониуч зангаа ашиглах зэрэг амьдралд нэн шаардлагатай чадваруудыг эзэмшүүлдгээрээ онцлогтой. АНУ-ын Williams College-д суралцаж байх цагаасаа сурагчдыг TOEFL-ийн шалгалтад бэлтгэж эхэлсэн тэрбээр 2016 онд нийслэл хотын онцлог үйлчилгээний төв, арга хэмжээ, бүтээгдэхүүнийг нэгтгэсэн “Ulaanbaatar Passport”-ийг үүсгэн байгуулж байв.
