Хагас дамжуулагчийн хомсдолын улмаас “Toyota Motor Corp” зургаадугаар сард үйлдвэрлэлийн төлөвлөгөөгөө дэлхийн хэмжээнд 100,000-аар бууруулж, ойролцоогоор 850,000 машин үйлдвэрлэнэ хэмээн мягмар гарагт мэдэгджээ.
Гэхдээ тус компани 2023 оны гуравдугаар сар гэхэд 9.7 сая орчим автомашин үйлдвэрлэх зорилтдоо өөрчлөлт оруулаагүй байна.
Түүнчлэн Шанхай хот дахь covid19-ийн хөл хорионоос шалтгаалсан нийлүүлэлтийн тасалдлын улмаас дотоодын үйлдвэрлэлийн хэд хэдэн угсралтын шугамыг түр зогсоохоо зарлажээ. Уг зогсолт нь энэ лхагва гарагаас зургадугаар сарын 3-ны хооронд тав хүртэлх хоног үргэлжлэх бөгөөд 10 үйлдвэрийн 16 шугамыг хамрах ажээ.
Зургадугаар сараас наймдугаар сарыг дуустал “Toyota” компани сар бүр 850 мянган машин үйлдвэрлэхээр төлөвлөсөн ч covid19-ийн тархалт, чипийн хомсдол болон бусад хүчин зүйлс цаашдын нөхцөл байдлыг дүгнэхэд саад учруулж буйг онцолжээ.
