Кредит картын үйлчилгээгээр дэлхийд тэргүүлэгчдийн нэг “Mastercard” компани хурууны хээ унших, царай таних технологийг ашигласан шинэ төлбөр тооцооны системийг танилцуулж, энэ долоо хоногоос эхлэн Бразил улсад туршихаар болжээ.
Тодруулбал хэрэглэгч худалдан авалтын тооцоо хийхийн тулд карт, гар утсаа ашиглалгүйгээр зөвхөн касс дээрх камерын өмнө гараараа даллах, эсвэл инээмсэглэхэд л хангалттай болохыг тус компанийн төлөөлөгч мягмар гарагт “Insider”-т ярилцлага өгөхдөө өгүүлсэн байна.
Энэхүү технологи нь мөнгө шилжүүлгийн хугацааг багасгах, аюулгүй байдлыг илүү сайжруулах, түүнчлэн цар тахлын дараах үед эрүүл ахуйн шаардлагыг хангах ач холбогдолтой бөгөөд удалгүй дэлхийн хэмжээнд, бүхий л төрлийн дэлгүүрүүдэд нэвтэрнэ гэдэгт найдаж буйгаа тэрбээр мөн дурджээ.
“KBV Research” компанийн судалгаагаар 2026 он гэхэд дээрхтэй адил биометрик технологийн зах зээл 18.6 тэрбум ам.долларт хүрэх төлөвтэй байна. “Mastercard”-ийн гол өрсөлдөгчид болох “Visa”, “Amazon” мөн адил өөрийн гэсэн биометрик тооцооны систем хөгжүүлж байгаа аж.
