Дэлхийн алдарт зураач Ромеро Бриттогийн үндэслэсэн “Happy art” урлагийн төрлийн гар зургийн уралдааныг “Худалдаа Хөгжлийн Банк”-наас Монголд анх удаа зохион байгуулж, шилдэг бүтээлүүдийг зарлалаа. “Happy Art-Happy Family” сэдвийн хүрээнд хүүхэд, аав ээж, эмээ өвөө гээд гэр бүлээрээ оролцох боломжтой энэхүү уралдаанд нийт 336 бүтээл ирснээс МУСГЗ П.Цэгмид, МУСГЗ, шог зураач С.Цогтбаяр тэргүүтэй мэргэжлийн шүүгчдийн дүгнэлтээр ялагчдыг тодруулсан байна. Түүнчлэн тэмцээний шилдэг 60 бүтээлийг нийтийн самбарт болон виртуал үзэсгэлэн хэлбэрээр байршуулаад байгаа.
Тэгвэл “Forbes Mongolia” сэтгүүлийн зүгээс тус уралдааны 127 хувийн дугаартай оролцогч Н.Намулангийн бүтээлийг үнэлж, гарын бэлгээр урамшуулсан юм. Өөрийгөө дайчилж, оюун бодол, авьяас билгээ зориулан уралдаанд оролцсон хүүхдүүдэд баяр хүргэж, амжилт хүсье.
