Технологийн “Sea Ltd.” компани, цахим худалдааны “Shopee” платформын үүсгэн байгуулагч Форрест Ли хэдхэн сарын өмнө 22 тэрбум ам.долларын хөрөнгөтэйгөөр Сингапурын хамгийн чинээлэг эрхэм гэж тооцогдож байв. Гэвч энэ жил дэлхийн тэргүүлэх 500 тэрбумтны хөрөнгөөс 1 их наяд ам.долларыг арчаад буй үнэт цаасны зах зээлийн уналтаас хамгийн их хохирол амссан хүмүүсийн нэг нь Форрест Ли болжээ.
Технологийн салбарын ихэнх хувьцаа арилжаалагдсан, Энэтхэг дэх цахим худалдааны гол бизнес нь хаагдсан, жилийн орлогын хэмжээ нь хүлээлтэд хүрээгүй зэрэг үйл явдлууд үүний гол шалтгаан болжээ. Хэдий түүний хөрөнгө өдгөө 4.7 тэрбум ам.доллараар хэмжигдэж байгаа ч хамгийн чинээлэг 500 тэрбумтны жагсаалтад багтахад энэ нь хангалтгүй тоо юм.
Гэхдээ “Sea Ltd.” мягмар гарагт энэ оны нэгдүгээр улирлын тайлангаа нийтэлсэн нь шинжээчид, хувьцаа арилжаалагчдад найдвар төрүүлсэн байна. Тус компани гуравдугаар сарын 31-ны байдлаар 2.9 тэрбум ам.долларын борлуулалт хийж, нэгж хувьцаа тутмаас 80 центийн алдагдал хүлээсэн нь өмнөх жилийн мөн үеийнхээс 64.4 хувиар өссөн үзүүлэлт юм. Мөн эхний улиралд 1.2 тэрбум ам.долларын цэвэр ашиг олж, жилийн хугацаанд 81.3 хувийн өсөлт үзүүлжээ.
