Хонконгийн хөнгөн галт тэрэгний MTR сүлжээний East Rail чиглэлд өнгөрөгч ням гарагт хоёр арлыг холбосон анхны шугам нээгдэх үед түүхэн аяллын зорчигч болохыг хүссэн олон мянган хүн галт тэрэгний өртөөн дээр цуглажээ.
Хонконгийн арлыг Коулун хот, New Territories бүс нутагтай холбосон 46 км урттай энэхүү шугамын нээлт нь ажлын саатал, хэтэрсэн зардал зэргээс шалтгаалж хойшлогдсоор хэдэн жилийг өнгөрөөжээ. Харин энэхүү шугам нээгдсэнээр Хонконгийн хойд хэсгийн оршин суугчид хотын худалдаа, бизнесийн төв рүү очихын тулд тойруу замаар явж, чиглэл дамжин суулгүйгээр ердөө таван минутын дотор хүрэх боломжтой болсон аж.
Нээлтийн ёслолын өмнө иргэд шинээр нээгдсэн “Exhibition Centre” өртөөн дээр олноороо цуглаж, шөнийн турш дараалалд зогссон байна. Тухайн өдрийн 20 цаг гэхэд тус өртөөгөөр үйлчлүүлсэн зорчигчдын тоо 51900-д хүрсэн бол “Admiralty” өртөөнөөс 77800 хүн галт тэргэнд суужээ.
Хонконгийн ерөнхий захирагч Кэрри Лэм уг явдлыг тохиолдуулан үг хэлэхдээ шинэ шугамыг ирээдүйд эх газрын Хятадын Шэнжэнь хот хүртэл өргөтгөх боломжтойг дурджээ.
