RELATED STORIES
Загварын ертөнцийн нийслэл гэгддэг Нью-Йорк, Лондон, Милан, Парисын тэргүүлэх агентлагуудыг төлөөлөн олон улсын загварын салбарт амжилттай яваа Ж.Энэрэл өдгөө Берлинд суурьшин, тансаг зэрэглэлийн хувцас загварын моделийн карьер нь хурдацтай өссөөр байна. Карьерынхаа хоёрдугаар хагаст кино урлагт хүч сорихоор төлөвлөж буй тэрбээр олон улсад хүлээн зөвшөөрөгдсөн өөрийн туршлага, амжилтад тулгуурлан монгол моделиудыг дэлхийн зах зээлд танилцуулах зорилго бүхий загварын агентлагаа үүсгэн байгуулж, ажлаа эхлүүлээд буй. Мөн тэр 2021 онд Аргентин, Бразилд ургадаг “yerba mate” ургамлын “Matea” цайны брэндийг Монголд оруулж ирсэн бөгөөд шинээр эхлүүлсэн энэхүү бизнесээрээ дамжуулж олон улсын хоолны соёл тэр дундаа эрүүл хооллолтын хэв маягийг сурталчлах хүсэлтэй гэнэ.
