Британийн тансаг зэрэглэлийн автомашин үйлдвэрлэгч “Aston Martin Lagonda” компани өмнө нь “Ferrari NV” компанийг толгойлж байсан Амедео Фелисаг шинэ гүйцэтгэх захирлаар томилж буйгаа өнөөдөр зарлажээ.
“Aston Martin”-ий ТУЗ-ийн гишүүн, авто үйлдвэрлэлийн салбарт олон жил ажилласан Амедео Фелиса нь тус компанийн одоогийн гүйцэтгэх захирал Тобиас Моерсийг ийнхүү орлохоор болсон аж.
Кино баатар Жэймс Бондын сонголт гэдгээрээ дэлхий нийтэд танигдсан “Aston Martin” компани энэ оны нэгдүгээр улиралд татвар оруулалгүйгээр 111.6 сая фунт стерлингийн (139.15 сая ам.доллар) алдагдлыг хүлээсэн байна. Харьцуулбал өмнөх оны мөн үед 42.2 сая фунтын алдагдалтай ажилласан аж.
Түүнчлэн анхны хайбрид хөдөлгүүртэй “Ferrari” машиныг бүтээсэн инженер Роберто Феделиг “Aston Martin” компани техникийн ахлах мэргэжилтнээр томилжээ.
