Дэлхийн өнцөг булан бүрт шатахууны үнэ нэмэгдэж буй энэ цагт “Toyota” компаниас хурд хүчийг хэмнэлт, тав тухтай хослуулахыг хүссэн хүн бүрт тохирох нэгэн машиныг танилцуулжээ. Шинэ “2023 Toyota GR Corolla” нь авто ертөнцийн хамгийн сүүлийн үеийн технологиор хуучны гудамжны уралдааны машиныг санагдуулам хүчирхэг үзүүлэлтийг бий болгожээ хэмээн мэргэжилтнүүд дүгнэж байна.
Хөдөлгүүр нь ердөө 1.6 литрийн багтаамжтай, 3 цилиндртэй, нэг турбо шахагчтай ч 300 морины хүчтэй гэдэг нь үүнийг батална. Мушгих хүч нь 370 ньютон-метр тул хөдөлгүүрийн эргэлт 6,500 rpm-д хүрэх боломжтой.
Шинэ “GR Corolla” зөвхөн 6 араа бүхий механик хурдны хайрцагтай үйлдвэрлэгдэх бөгөөд дөрвөн дугуйн хөтлөгч, гулсалтаас сэргийлэх түгжигддэг дифференциалаар тоногдлогдсон тул ямар ч үед дугуйн зууралт маш сайн байх юм.
Үүний зэрэгцээ “Toyota”-ийн Safety Sense 3.0 системийн ачаар арын мэдрэгч, эгнээ мэдрэгч, автомат холын гэрэл, замын тэмдэг уншигч, өгсүүр замын хяналт, ‘blind spot’ буюу жолоочид харагддаггүй хэсгийн хяналт зэргээр аюулгүй байдлыг хангаж өгчээ.
“Toyota”-ийн төлөөлөгчийн өгүүлснээр “GR Corolla” 2022 онд багтаж худалдаанд гарах ч одоогоор үнэ нь тодорхойгүй байгаа аж.
