“Fox News” мэдээний суваг (FNC) нь 2022 оны эхний улиралд жилийн өөрчлөлтийн үнэлгээгээрээ Америкийн телевизийн үндсэн сувгуудыг тэргүүлснээр 81 улирал дараалан тус улсын хамгийн их үзэлттэй сувгаар тодорлоо.
Харин “Fox News”-ийн гол өрсөлдөгчид болох “CNN,” “MSNBC”-ийн өмнөх жилийн мөн үетэй харьцуулсан үнэлгээ нь огцом буурчээ.
Оргил цагт “Fox News” суваг дунджаар 2.554 сая үзэгчтэйгээр тэргүүлсэн бөгөөд 2021 онтой харьцуулвал энэ үзүүлэлт нь гурван хувиар өссөнийг “Nielsen”-ээс явуулсан судалгаагаар тогтоожээ.
Тэгвэл “MSNBC” суваг 1,205 сая үзэгчтэйгээр хоёрдугаарт жагсаж, өмнөх онтой харьцуулвал үзэгчийн тоо нь 46 хувиар буурсан бол “CNN” 2021 оноос 56 хувийн бууралттай буюу 857,000 үзэгчтэйгээр гуравт бичигджээ.
Харин телевизийн зар сурталчилгааны зорилтот бүлэг болдог 25-54 насны үзэгчдийн тоогоор жагсаахад “Fox News” 429,000 үзэгчтэйгээр нэгдүгээрт, “CNN” 232,000 үзэгчтэйгээр хоёрдугаарт, “MSNBC” 149,000 үзэгчтэйгээр гуравдугаарт жагсжээ.
Эх сурвалж: Forbes
