1969 онд Apollo 11 хөлгөөр саран дээр анх хөл тавьсан сансрын нисгэгч Нейл Армстронгийн дэлхий дээр авчирсан сарны хөрсний дээжийг ирэх дөрөвдүгээр сард дуудлага худалдаанд оруулахаар болжээ.
Армстронг саран дээр газардсаныхаа дараа “нэг хүний хувьд жижиг алхам, хүн төрөлхтний хувьд агуу том үсрэлт” гэх алдарт үгээ хэлээд, сарны хөрснөөс дээж авч баталгаа болгон хадгалсан аж.
Сарны хөрс 800,000 ам.доллараас 1.2 сая ам.долларын үнэ хүрэх төлөвтэй байгаа бөгөөд дуудлага худалдаанаас олсон ашгийн зарим хэсэг нь шинжлэх ухааны салбарт хандивлагдахыг дуудлага худалдаа зохион байгуулж буй “Bonhams” -аас дурджээ.
Дөрөвдүгээр сарын 13-нд болох тус дуудлага худалдаагаар сарны хөрснөөс гадна хүн төрөлхтний хөөргөсөн хамгийн анхны хиймэл дагуул болох “Спутник 1”-ийн хэлтэрхийг хамт худалдаалах аж.
Эх сурвалж: Forbes
