Хөгжмийн салбарт уран бүтээлчдэд тун бага хэмжээний хувь олгодог гэсэн шүүмжлэлд өртсөн “Spotify” компани өнгөрсөн жил долоон тэрбум ам.долларын рояалти төлбөрийг дууны эрх өмчлөгчдөд төлснийг батлах баримтыг нийтэд дэлгэжээ.
“Spotify”-ийн рояалти төлбөр 2020 онд таван тэрбум ам.доллар байсан бол 2021 онд хоёр тэрбум ам.доллараар өсөж долоон тэрбум ам.долларт хүрсэн байна. Мөн анх удаагаа 1000-аас дээш тооны уран бүтээлчид рояалти төлбөрөөс нэг сая гаруй ам.долларын ашиг олсныг мэдэгджээ.
Харин тодорхой дуу бичлэгийн компанид харьяалагддаггүй уран бүтээлчдийн 28 хувь нь 10 мянгаас дээш ам.долларын ашиг олсон бол дууны эрх өмчлөгчдөд нэг тэрбум ам.доллар, томоохон дуу бичлэгийн компаниудад дөрвөн тэрбум гаруй ам.долларын ашиг оногдсон байна.
Эх сурвалж: Forbes
