Японы авто машин үйлдвэрлэгч “Suzuki Motor” компани Энэтхэг улсад 1.23 тэрбум ам.долларын хөрөнгө оруулан цахилгаан авто машин, цэнэг хураагуурын үйлдвэр байгуулахаар төлөвлөөд байна.
Ням гарагт тус компани Энэтхэгийн Ерөнхий Сайд Нарендра Моди болон Японы Ерөнхий Сайд Фумио Кишида нарын оролцсон арга хэмжээний үеэр Энэтхэг улсын баруун хэсэгт орших Гужарат мужийн удирдлагатай харилцан ойлголцлын санамж бичигт гарын үсэг зурснаа мэдэгджээ.
“Suzuki” компани Энэтхэгийн цахилгаан автомашины зах зээлд нэвтэрч буй анхны япон компани боловч тус улсад автомашин үйлдвэрлэлээр тэргүүлэгч “Tata Motors”, тэрбумтан Ананд Махиндрагийн эзэмшлийн “Mahindra & Mahindra”, тэрбумтан Вену Шринавасийн эзэмшлийн “TVS Motor” зэрэг компаниудтай өрсөлдөх шаардлагатай болоод байна.
Ирэх жилүүдэд Энэтхэгийн зах зээлд “Tata” компани 2 тэрбум ам.доллар, “Hyundai” компани 500 орчим ам.доллар, “Mahindra & Mahindra” компани 400 ам.долларын хөрөнгө оруулах болсноо тус тус зарлаад байгаа аж.
Эх сурвалж: Forbes
