Covid 19-ийн халдвараар эмнэлэгт хэвтэн эмчлүүлж буй өвчтөнүүдийн амьд үлдэх магадлалыг аспирин эм нэмэгдүүлж байгаа тухай “JAMA Network Open” сэтгүүлд судалгаа нийтлэгджээ. Ингэснээр энэхүү хямд үнэтэй, олдоц сайтай эмийн бүтээгдэхүүнийг covid 19-ийн халдвартай тэмцэхэд ашиглаж болохыг нотолсон байна.
2020-оос 2021 оны хооронд АНУ дахь 112,000 гаруй өвчтөнг хамруулсан судалгаанаас үзэхэд эмнэлэгт хэвтсэн эхний өдрөөсөө аспирин уусан өвчтөнүүдийн нас барах магадлал аспирин уугаагүй өвчтөнүүдийнхээс 14 хувиар бага байсан байна.
Мөн 60-аас дээш насны өвчтөнүүд болон архаг хууч өвчтэй хүмүүст аспирины эмчилгээ илүү үр дүнтэй үйлчилж байсан нь тус судалгаанаас харагджээ.
Хэдийгээр аспирин цус шингэлэх үйлчилгээтэй ч өвчтөнүүдийн цус алдах эрсдэл тус эмийг уусан, уугаагүй эсэхээс үл хамааран төдийлөн ялгаагүй байсан байна. Гэсэн хэдий ч судлаачид тус эмчилгээг хийхээс өмнө эрсдэлийг сайтар тооцон үзэх шаардлагатай хэмээн мэдэгджээ.
Эх сурвалж: Forbes
