Анх 2022 оны нэгдүгээр сараас “делтакрон” гэх нэршил гарч ирсэн. Сипрусын их сургуулийн биологийн шинжлэх ухааны профессор Леондиос Кострикис болон түүний багийнхан делта, омикрон хувилбарын хосолсон шинж тэмдэг бүхий “SARS-Cov-2” хэмээх шинэ хувилбарыг илрүүлсэн талаараа “Forbes”-т мэдээлж байсан.
Тухайн үед Covid 19-өөр өвчилсөн нийт 25 өвчтөнөөс сорьц авахад энэхүү хувилбар илэрсэн бөгөөд 11 нь эмнэлэгт хэвтэн эмчлүүлж байжээ. Тус шинэ хувилбарыг судалгааны багийнхан делта болон омикрон гэсэн үгийн нийлүүлж “делтакрон” хэмээн нэрэлсэн аж.
Хэдэн сар өнгөрсний дараа тус делта-омикроны нийлмэл бүтэцтэй вирусын баттай нотолгоо гарч ирснийг Францийн Пастер Судалгааны Хүрээлэнгийн багийнхны илрүүлсэн мэдээлэлд үндэслэн “GISAID /Томуугийн мэдээлэл солилцох дэлхийн санаачилгын байгууллага/” мэдэгджээ.
Шувууны томуугийн генийн мэдээллийг нээлттэй солилцох зорилгоор 2008 онд анхлан үүсгэн байгуулагдаж байсан энэхүү платформд өдгөө олон улсын судлаач эрдэмтэд covid 19-тэй холбоотой мэдээллийг солилцох боломжтой болжээ.
Эх сурвалж: Forbes
