Халуун тогооны сүлжээ рестораны “Haidilao” компани үйл ажиллагаагаа өргөтгөн, рестораны сүлжээгээ цомхотгож байгаатай зэрэгцэн тус компанийн үүсгэн байгуулагч тэрбумтан Жанг Ионг Гүйцэтгэх захирлын албан тушаалаа хүлээлгэн өглөө.
Тус компанийн Хонг Конгийн хөрөнгийн биржид явуулсан баримт бичигт 51 настай Жанг ТУЗ-ын даргын албан тушаалаа орхихгүй ч “Haidilao”-ын урт хугацааны стратегийг боловсруулахад анхаарлаа хандуулж ажиллана гэдгийг мэдэгдлээ.
Шинээр томилогдсон Гүйцэтгэх захиралд “Haidilao”-н үйл ажиллагааг сайжруулах үүрэг ноогдож буй юм. Цар тахлын нөлөөнд төдийлөн өртөөгүй тус компани шинэ сүлжээ ресторан нээж үйл ажиллагаагаа хурдацтай өргөжүүлсээр байна. Өнгөрсөн зургадугаар сарын байдлаар нийт 1600 орчим ресторанаас Хятадад 1491, Хонгконгод 106 рестораны үйл ажиллагааг явуулж байв.
Эх сурвалж: Forbes
