Нийгмийн сүлжээний хамгийн томоохон компани болох ‘Facebook’ нь метаверс компани болох зорилтынхоо хүрээнд нэрээ ‘Meta’ болгон өөрчилж, зарим шинэчлэлтүүдийг хийж байгаа талаараа ‘Facebook connect’ хурлын үеэр мэдэгдэв.
Энэ үеэр Гүйцэтгэх захирал Марк Цукерберг ‘Одоо бид зөвхөн “Facebook” биш, харин “метаверс” хөгжүүлэгч компани болохыг хүсэж байна. “Meta” гэдэг нь цаадах гэсэн утгатай Грек үг бөгөөд аливаа бүх зүйлд үргэлж “дараагийнх” гэдэг зүйл байдаг шүү’ хэмээн онцолсон байна.
Метаверс гучин жилийн өмнө хэвлэлтэнд гарч байсан “Цасны сүйрэл” романд гардаг нэр томъёо бөгөөд тус компани энэхүү нэр томъёог ашиглан хэрэглэгч нарт өөр өөрсдийн дижитал төрхөөрөө интернэт сүлжээ мэт орон зайд нэвтрэн, аялж, бие биетэйгээ харилцах боломжийг олгох юм.
Өмнөх долоо хоногт тус компани Европт 10 мянган ажилтан хөлсөлж, VR орон зайд харилцах боломжтой дэвшилтэт цахим платформ метаверс бүтээхээр төлөвлөж байгаагаа дуулгасан юм.
Дэлхий даяар ‘Facebook’-ийг ашигладаг нийт 2.9 тэрбум хэрэглэгч байдаг бөгөөд эдгээр шинэчлэлт нь цаашид бусад технологийн компаниудыг дороо нэгтгэх боломжтой хэмээн үзээд байгаа аж.
Мөн тус компанийн хувьцаа хөрөнгийн зах зээл дээр “MVRS” хэмээх шинэ нэр дор арванхоёрдугаар сарын нэгнээс арилжаалагдаж эхлэх аж.
Үүнтэй холбоотойгоор өчигдөр тус компанийн хувьцаа 15 хувиар өсөж, 316.92 ам.долларт хүрч хаагджээ.
Эх сурвалж: Reuters
