Нийгмийн сүлжээний ‘Twitter’ компани энэ оны гуравдугаар улиралд ашигтай ажиллаж, компанийн хувьцаа огцом өсөв. Тодруулбал, тус компани энэ оны гуравдугаар улиралд 1.28 тэрбум ам.долларын ашигтай байсан нь өмнөх жилийн мөн үеэс 37 хувиар өссөн үзүүлэлттэй байна. Түүнчлэн өдөр тутмын идэвхтэй хэрэглэгчдийн тоо 5 саяар нэмэгдэж, нийт 211 сая хэрэглэгчтэй болжээ.
Тус компанийн хувьцаа мягмар гаригийн зах зээлийн арилжаагаар нэг хувиар унаад байсан ч орлогын тайлангаа танилцуулсны дараа 4 хувиар огцом өссөн байна.
‘Твиттер’ улирлын тайландаа ‘Apple’ компанийн IOS 14.5-ийн шинэчлэлтийн шинэ бодлого нь тус компанийн хувьцаанд багаар нөлөөлснийг тэмдэглэж, сурталчилгааны ашиг өмнөх жилийнхтэй харьцуулахад 41 хувиар өсөж, 1.14 тэрбум ам.долларт хүрсэн гэж мэдэгджээ.
Харин ‘Snap’ компани өнгөрсөн пүрэв гаригт орлогын тайлангаа мэдүүлэхдээ, Apple-ийн шинэ бодлогоос шалтгаалж хувьцаа 25 хувиар унасан хэмээн мэдэгдсэн байна.
Эх сурвалж: FORBES
