БНХАУ-ын зэс, алтны томоохон үйлдвэрлэгч ‘Zijin’ компани Европт хоёрдугаар жагсах зэсийн шинэ төслөө Серби улсад эхлүүлсэн нь зэсийн нийлүүлэлтийн томоохон эх үүсвэр болох төлөвтэй байна. Өнгөрсөн дөрөвдүгээр сард Cерби улсын байгаль орчны газраас ‘Cukaru Peki’ төслийн үйл ажиллагааг байгаль орчны стандарт зөрчсөн гэх үндэслэлээр зогсоогоод байсан бол ийнхүү энэ долоо хоногоос эхлэн үйл ажиллагаагаа хэвийн явуулж эхэллээ.
‘Zijin’ компаниас шинэ далд уурхайд нийт 474 сая ам.доллар зарцуулаад байгаа бөгөөд жилд 3.3 сая тонн хүдэр боловсруулахаар төлөвлөж буйгаа мэдэгджээ.
Тэдний тооцоолсноор ‘Cukaru Peki’ төсөл 2021 оны зунаас олборлолтоо эхлүүлэхээр төлөвлөөд байсан бөгөөд эхний жил дунджаар 91 мянган тонн зэс, 200 мянган унц алт олборлож, цаашид зэсийн олборлолтоо үргэлжлүүлэн аажмаар нэмэгдүүлж, нийт 135 мянган тонн зэс олборлохоор зорьж байгаа аж.
Мөн Серби улсын Засгийн газраас 10 хүрэхгүй жилийн дараа уул уурхайн салбар ДНБ-ийн 4-5 хувийг үйлдвэрлэж эхэлнэ хэмээн таамаглаад байна.
Эх сурвалж: Mining
