АНУ-ын Аризона мужийн ‘Freeport-McMoRan’ компанийн зэсийн олборлолт өнгөрсөн улирлын эцэст хүлээгдэж байсан үр дүнгээс доогуур байсан нь дэлхийн зах зээлийн зэсийн үнийн өсөлтөд голлон нөлөөлөв. Тодруулбал, тус компанийн гуравдугаар улирлын дүнгээр 987 сая фунт стерлинг зэс олборлосон нь ‘Bloomberg’-ийн шинжээчдийн таамаглаж байсан дунджаас нэг тэрбум стерлингээр бага дүн гарчээ.
Үүнтэй холбоотойгоор тус компанийн хувьцаа Нью-Йоркийн орон нутгийн цагаар 09:32 цагийн арилжаагаар 3,6 хувиар буурч, 37.55 ам.доллар хүрсэн нь сүүлийн нэг сард үзэгдсэн хамгийн доод түвшин байв. Мөн өнгөрсөн 7-9 саруудад 1.03 тэрбум фунт стерлингийн борлуулалт хийсэн нь жилийн гарц нь 3.8 тэрбум фунтад хүрнэ хэмээн шинжээчид үзэж байна.
Ийнхүү Өмнөд, Хойд Америк дахь уурхайнууд өнгөрсөн улиралд бага олборлолт хийж, үйлдвэрлэлийн алдагдлаараа тэргүүлж байна. Энэ хүрээнд тус компани Индонезийн ‘Грасбэрг’ зэсийн уурхайн үйлдвэрлэлийг эрчимжүүлэх бодлого баримтлаад байна.
Эх сурвалж: Mining
