Өнөөдөр Зам, тээврийн хөгжлийн сайдын тушаалаар Өмнөговь аймгийн Цогтцэций сумын нутаг дахь Тавантолгойн уурхайгаас Говьсүмбэр аймгийн Сүмбэр сум хүртэл нүүрс тээвэрлэхийг 2022 оны гуравдугаар сарын 31-н хүртэл хийхийг зөвшөөрсөн байна.
Тодруулбал, өнгөрсөн гуравдугаар сард Цогтцэций сумаас Говьсүмбэр аймгийн Сүмбэр сум хүртэл хүнд даацын авто машинаар нүүрс тээвэрлэхийг Зам, тээврийн хөгжлийн сайдын 2020 оны 04 дүгээр сарын 22-ны өдрийн тушаалаар хатуу хучилттай зам барих хүртэл хориглоод байсан юм. Үүнтэй холбоотойгоор тус нутгийн малчид, иргэд, тээвэрлэгчдийн дунд үүсээд байсан үл ойлголцол ийнхүү шийдвэрлэгджээ.
Тушаалд өөрчлөлт орсонтой холбогдуулан авто замын бэлэн байдлыг ханган ажиллахыг Авто замын бодлогын хэрэгжилтийг зохицуулах газарт, тээвэрлэлтийг зохион байгуулж ажиллахыг Автотээврийн бодлогын хэрэгжилтийг зохицуулах газарт, тушаалын биелэлтэд хяналт тавьж ажиллахыг Хяналт-шинжилгээ, үнэлгээ, дотоод аудитын газарт тус тус даалгалаа.
Эх сурвалж: Зам, тээврийн хөгжлийн яам
