“S&P Global Market Intelligence” байгууллагаас өнөөгийн дэлхийн геологи, хайгуулын салбарын хөрөнгө оруулалтын судалгааны тайланг танилцууллаа.
Судалгаанд 2022 оны дэлхийн ашигт малтмалын хөрөнгө оруулалт 5-15 хүртэлх хувиар өсөх төлөвтэй байгааг дурджээ. Өнгөрсөн жилүүдэд дэлхий дахинд шинэ коронавирус дэгдсэнээр дэлхийн геологи, хайгуулын хөрөнгө оруулалт буурсан үзүүлэлттэй байсан бол ийнхүү энэ жилээс сэргэж байна. 2020 онд өнгөт металлын хайгуулын хөрөнгө оруулалт 8.3 тэрбум ам.доллар байсан бол энэ жил 11.2 тэрбум ам.доллараар буюу 35 хувиар өссөн үзүүлэлттэй байна.
Тус байгууллагын мэдээлснээр, зах зээлийн нөхцөл байдал хүлээгдэж байсан дүнгээс харьцангуй богино хугацаанд үргэлжилж, хурдан сэргэж байгааг онцлов.
Хайгуулын жижиг компаниудын хувьд тэдгээрийн босгосон хөрөнгө оруулалтын хэмжээ жилийн хугацаанд 62 хувиар нэмэгдэж, нийт 4.1 тэрбум ам.долларт хүрчээ. Харин томоохон компаниуд дэлхийн ашигт малтмалын хөрөнгө оруулалтын тэн хагасыг нь эзэлж, нийт 5.6 тэрбум долларт хүрээд байна. Нью-Иорк төвтэй компаниуд голлох байр суурийг эзэлнэ хэмээн таамгийг тайланд дэвшүүлжээ.
Ихэнх металлын ханш өсөж, зах зээлийн идэвхжил нэмэгдсэн нь 2021 оны хөрөнгө оруулалтыг сэргэхэд голлон нөлөөлж байна. Ялангуяа сүүлийн саруудад алтны үнэ өсөж, 2020 оны нэгдүгээр сарын дундаж ханш унц тутам 1560 ам.доллар байсан бол 2021 оны наймдугаар сард 1784 ам.доллар буюу 14 хувиар өссөн үзүүлэлттэй байна. Зэсийн үнэ 2021 оны 08 дугаар сард фунт тутам 4.25 ам.доллар болсон нь 2012 оноос хойш үзэгдсэн дээд хэмжээ юм.
Канад улс геологи, хайгуулын хөрөнгө оруулалтаа 800.5 сая ам.доллараар нэмэгдүүлж, 2.1 тэрбум ам.доллар зарцуулсан нь 2012 оноос хойш үзэгдсэн дээд түвшинд хүрчээ. Харин Африкийн бүс нутаг ердөө 12 хувиар хуваарилалт хийгдэж, 1.1 тэрбум ам.доллар зарцуулсан нь бүс нутгийн 2019 оны хэмжээндээ буцаж буурсан үзүүлэлттэй гарав.
Мөн тайланд ‘Австрали, Канадын идэвхжил нэмэгдсэнтэй холбоотой анхан шатны хувьцааны хэмжээ бага зэрэг өсөж, дэлхийн төсвийн эзлэх хувь 26 хувиар, хоёрдугаарт бичигдэж байна’ хэмээн дурджээ.
Эх сурвалж: Mining
