Дэлхий даяар ашигт малтмалын үнийн хөөрөгдөл үүсэж, нийлүүлэлт тасалдаад байгаа энэ цаг үед эрдэмтэн, судлаачид эрдэс боловсруулалтыг гүнзгийрүүлэн судалж байна. Энэ хүрээнд Финляндын ‘Aalto’ их сургуулийн судлаачид химийн инженерчлэлийн сэтгүүлд байгальд ээлтэй технологиор хүдрээс алт гаргаж авах цоо шинэ хувилбарыг хэвлэн нийтлүүлжээ. Уг нийтлэлд шар металлыг уусган зайлуулах зорилгоор давсны хоёр элементийн нэг болох хлоридыг голлон ашиглаж байгаа бөгөөд уг туршилтыг EDRR хэмээн нэрлэж байгаа аж.
Уг туршилтын ажилд Финляндын уул уурхайн ‘Metso Outotec’ компанитай хамтран хийсэн бөгөөд маш том хэмжээний туршилт болж буйг оролцогчид тэмдэглэв.
Судалгааны тэргүүлэгч Иван Королев “Дэлхий дээр металлын эрэлт байнга өсөж байгаа энэ цагт бага хэмжээгээр ч хамаагүй гарган авах нь чухал” гэдгийг онцолж байна.
Эх сурвалж: Mining
