Нью Каледонийн уул уурхайн ‘Prony Resources’ компани АНУ-ын цахилгаан автомашин үйлдвэрлэгч ‘Tesla’ компанид урт хугацааны турш никел нийлүүлэх гэрээг үзэглэжээ. Уг гэрээнд автомашины цэнэг хураагуурын үйлдвэрлэлд шаардлагатай 42 мянган тонн никелийн сульфат нийлүүлэхээр тохиролцжээ.
Хэлэлцээг ‘Prony Resources’ компанийн гол хүн болох Швейцарын түүхий эдийн худалдаачин Трафигура хийсэн бөгөөд тус компанийн Гүйцэтгэх захирал Антонин Бюрриер ‘Tesla’-г худалдааны хамгийн том түнш болж буйг онцлов.
Шинжээчид никелийн зах зээлийг 2023 онд хомстолд орох магадлалтай хэмээн үзээд байна.
Дашрамд дурдахад, ‘Prony Resources’ компанийн 51 хувийг Шинэ Каледони мужийн эрх баригчид эзэмшдэг бол 19 хувийг Трафигура, үлдсэн хувийг тус компанийн удирдлага, хөрөнгө оруулалтын ‘Agio Global’ фирм тус тус хамтран эзэмшдэг аж.
Эх сурвалж: www.mining.com
