Дэлхийн зэх зээлд нефтийн үнэ 4 дэх өдрөө дараалан өсөж, ‘Brent’ маркийн нефтийн үнэ гурван жилийн хугацаан дахь хамгийн дээд үзүүлэлтэд хүрчээ.
Арилжааны мэдээллээс үзвэл, ‘Brent’ маркийн нефтийн үнэ баррель тутам 21 центээр буюу 0.3%-иар өсөж, 83.86 ам.долларт хүрсэн нь даваа гаригийн үзүүлэлтээс 1.5%-иар өссөн байна. Харин АНУ-д нефтийн үнэ баррель тутам 13 центээр буюу 0.2%-иар өсөж, 80.65 ам.долларт хүрсэн нь сүүлийн долоон жилийн хугацаан дахь хамгийн өндөр үзүүлэлт болж байна.
Ази, Европ, АНУ-д эрчим хүчний хомстол үүснээс үүдэн эрчим хүчний үнэ сүүлийн хэдэн долоо хоногийн хугацаанд хамгийн дээд хэмжээндээ хүрээд байна. Энэ нь эдийн засаг сэргэж буй орнуудад инфляцын дарамтыг нэмэгдүүлжээ. Тухайлбал, Япон улсын есдүгээр сарын инфляцын түвшин сүүлийн 13 жилийн түүхэнд үзэгдсэн хамгийн өндөр хэмжээнд тооцогдов.
Шинжээчдийн тооцоолсноор байгалийн хийгээр эрчим хүч үйлдвэрлэх нь дэлхийн зах зээл дээрх түүхий эдийн эрэлтийг өдөрт 250-750 мянган баррелиар нэмэгдүүлэх боломжтой хэмээн үзээд байна.
Эх сурвалж: Reuters
