БНХАУ-ын зэс, алтны томоохон үйлдвэрлэгч ‘Zijin Mining’ компани нь цахилгаан автомашин үйлдвэрлэлийн гол түүхий эд болох литийг үйлдвэрлэх анхны гараагаа эхлүүлж, Канадын алт, зэс үйлдвэрлэгч ‘Neo Lithium’ корпорацаас нийт арилжаалагдсан хувьцаа тус бүрийг 6.50 канад ам.доллараар буюу нийт 960 сая канад долларын бэлэн мөнгөөр /770 сая ам.доллар/ худалдан авахаа тохиролцсоноо мэдэгдээд байна. Энэ нь эрчим хүчний эрэлтийг нэмэгдүүлж, хомстлыг өдөөж буй нь Хятадын нийлүүлэлтийн сүлжээн дэх зах зээлийн хүчтэй өрсөлдөөнийг бий болгож буйг онцлон тэмдэглэв.
Энэ хүрээнд өчигдөр Хонконгт ‘Zijin Mining Group Co’ компанийн хувьцаа 8.8 хувиар өсөж, энэ онд нийт 17 хувиар өсөөд байна.
“Zijin Mining” компани нь алт олборлолтын хэмжээгээр Хятад улсдаа нэгдүгээрт, зэс олборлолтоор гуравдугаарт ордог бөгөөд ‘Zijin Mining Group’ компанийн эрчим хүчний ашигт малтмалын салбарт эхлүүлж буй сайн алхам’ хэмээн ‘Citigroup Inc’ компанийн шинжээчид үзэж байна.
Түүнчлэн дэлхийн хамгийн том цахилгаан машины батарей үйлдвэрлэгч ‘Contemporary Amperex Technology Co’, Литийн бүтээгдэхүүн үйлдвэрлэлээр дэлхийд тэргүүлэгчдийн нэг Хятадын “Ganfeng Lithium” компанийн саналаас татгалзсаны дараа, Канадын “Millennial Lithium” корпорацыг худалдаж авахаар болоод байна. ‘Contemporary Amperex Technology Co’ компани нь ‘Neo Lithium’ корпорацын хувьцааны нийт 8 хувийг эзэмшдэг аж.
Эх сурвалж: www.mining.com
