Цар тахлаас үүдэн дэлхийн тээвэр зуучийн үйлчилгээний салбар томоохон цохилтод өртөөд удаж буй. Тодруулбал, 2020 оны 3 дугаар улиралд дэлхий дахин хөл хорионоос аажмаар гарч эхэлснээр гадаад худалдаа сэргэж, бараа бүтээгдэхүүн, түүхий эдийн эрэлт хэрэгцээ огцом нэмэгдэж, далайгаар тээвэрлэх ачааны хэмжээ гэнэт өссөн нь эрэлт-нийлүүлэлтийн тэнцвэр алдагдуулах гол хүчин зүйлс болоод байна. Үүнийг дагаад төмөр зам, авто тээврийн ачаалал ч нэмэгдээд байгаа юм.
Энэ хүрээнд Nuveen-ийн хөрөнгө оруулалтын стратегич Брайан Ник хэлэхдээ “Нийлүүлэлтийн хомсдол нь урьд өмнө үзэгдээгүй дэлхийн үйлдвэрлэлийн хамгийн өндөр түвшинд хүрээд байна” гэв. Тэрбээр хэрэглэгчдийн эрэлт хэрэгцээнээс шалтгаалсан цахим худалдааны захиалга, болон ачаа тээврийн хэт удаан зогсонги нөхцөл байдалтай байсантай холбогдуулан нийлүүлэлтийн сүлжээ тасалдаж буйг онцлов.
Одоогоор Лос Анжелес дахь Лонг бич дэх боомтын эргэлтийн хугацаа 6.4 хоног байгаа нь цар тахлын өмнөх үеэс 3.6 хоногоор буюу хоёр дахин их үзүүлэлттэй байгааг харж болно. Мөн олон улсын ачаа тээврийн үйлчилгээ үзүүлэгч “FedEx” компанийн орлого 0.22 хувиар, United Parcel Service Inc UPS-ийнх 1.04 хувиар тус тус өсөж, ирэх 5-7 жилийн төлөвлөлт хугацаанд дахь нормоо жил хагасын дотор давуулан биелүүлээд байна.
Эх сурвалж: THE WORLD STOCK MARKETS, MONTSAME
