Жил бүрийн 10 дугаар сард Лондон хотноо зохион байгуулагддаг Лондонгийн металлын биржийн долоо хоног өчигдөр /2021.10.10/ эхэллээ. Цар тахлын дэгдэлтээс хамаарах нөхцөл байдал, хоригоос үүдэн өнгөрсөн жил цуцлагдаад байсан уг арга хэмжээ энэ жил маш бага цар хүрээтэйгээр зохион байгуулагдаж байна. Учир нь цар тахлын нөлөөгөөр оролцогчдын тоо харьцангуй бага байгаа бөгөөд металлын зах зээлд нөлөө бүхий Ази болон уул уурхайн гол бүс нутаг болох Өмнөд Америкаас оролцогчдын тоо багасжээ.
Уг арга хэмжээнд Лондонгийн Металлын биржийн Гүйцэтгэх захирал Мэттью Чемберлен тэргүүтэй уул уурхай, металлын зах зээлийн томоохон төлөөлөгчид бүхий 2000 гаруй хүн оролцож байна.
Арга хэмжээний төлөвлөгөөний дагуу яг одоо Хатан хаан II Элизабетийн нэрэмжит хурлын төвд төлөөлөгчдийн семинар уулзалт болж байна. Семинараар металлын зах зээлийн дэлхийн эдийн засгийн чиг хандлага болон металлын нийлүүлэлт, зарцуулалтын дүн шинжилгээний талаар хэлэлцэх аж.
Эх сурвалж: ЛОНДОНГИЙН МЕТАЛЛЫН БИРЖ
