Цар тахалтай холбоотойгоор ИБУИВУ-ын Засгийн газраас тухайн улсад зорчих хязгаарлалыг дэлхийн 54 улс оронд тогтоогоод байсан юм. Тэгвэл ирэх Даваа гаригаас эхлэн /2021.10.11/ уг хорио цээрээс улбаалсан улаан жагсаалтаас Монгол тэргүүтэй 47 улс орон хасагдаж байна.
Энэхүү жагсаалтад Афганистан, Ангол, Аргентин, Боливи, Ботсвана, Бразил, Бурунди, Кабо Вердэ, Чили, Конго, Коста Рика, Куба, Эритрей, Этиоп, Свазиленд улс, Францын Гвиана, Гүрж, Гайана, Индонез, Лесото, Малави, Майотт, Мексик, Монгол, Монтенегро, Мозамбик, Мьянмар, Намиби, Балба, Парагвай, Филиппин, Руанда, Сейшелийн арлууд, Сьерра-Леон, Сомали, Өмнөд Африк, Судан, Суринам, Танзани, Тайланд, Тринидад Тобаго, Тунис, Уганда, Уругвай, Замби, Зимбабве улс багтаж байна.
Их Британийн Тээврийн сайд Грант Шеппс өөрийн цахим хуудснаа мэдээлснээр, эдгээр 47 орны вакцинд хамрагдсан иргэд 10 хоног зочид буудалд тусгаарлагдах шаардлагагүйгээр зөвхөн PCR шинжилгээний хариуд үндэслэн чөлөөтэй зорчих боломж бүрдэж байна.
Харин улаан жагсаалтад Перу, Доминикан Бүгд Найрамдах Улс зэрэг 7 улсыг хэвээр үлдээж байгаа аж.
Эх сурвалж: EURONEWS
