Дэлхийд чансаагаараа эхний дөрөвт жагсдаг ‘Stellantis’ компани Индиана муж дэх гурван үйлдвэртээ шинэчлэлт хийж, цахилгаан автомашины үйлдвэрт төвлөрч ажиллахаа өчигдөр /2021.10.07/ мэдэгдлээ. Уг үйлдвэрүүдийн шинэчлэлтийн зардалд 229 сая ам.долларыг зарцуулахаар төлөвлөөд байгаа бөгөөд нийт 662 ажлын байрыг хадгалах томоохон хөрөнгө оруулалт болж байна.
Сүүлийн жилүүдэд дэлхийн улс орнууд утааны хямралтай тэмцэж буйтай нийцүүлэн автомашин үйлдвэрлэгчид бага маржинтай үндсэн загваруудаасаа ч бага утаа ялгаруулдаг загварыг шинэчлэн гаргахад анхаарах болсон нь автомашины хөгжлийн хурдыг түргэсгэхэд нөлөөлж байна.
Шинэчлэлтийн хүрээнд Индиана мужийн Кокомод байрлалтай гурван үйлдвэрийг дахин шинэчлэн, найман шатлалт автомат хурдны хайрцгийг үйлдвэрлэхээр болжээ.
Мөн энэ үеэс 2025 он хүртэлх хугацаанд автомашиныг цахилгаанжуулах ажилд 30 гаруй тэрбум евро буюу 35.54 тэрбум ам.долларын хөрөнгө оруулалт хийхээ мэдэгдээд байна.
Эх сурвалж: REUTERS
