Америкийн үндэстэн дамнасан ‘Blackstone’ групп өөрийн эзэмшлийн Лас Вегас хот дахь тансаг зэрэглэлийн ‘The Cosmopolitan’ барилгаа ‘MGM Resort International’ компанид 1.625 тэрбум ам.доллараар арилжихаар тохиролцсоноо өнгөрсөн Даваа гарагт мэдэгдэв.
Энэ хүрээнд хоёр тал 10 жилийн хугацаагаар 3 удаа сунгах буюу нийт 30 жилийн хугацаатай түрээсийн гэрээг байгуулж байна. Ингэснээр ‘MGM Resort International’ тус компанид жилд 200 сая ам. доллараар төлөхөөр болж буй бөгөөд энэ үнийн дүн эхний 15 жил тутам 2 хувиар өсөх хэлэлцээртэй аж.
Анх 2014 онд ‘Blackstone’ групп тус барилгыг ‘Deutsche Bank’-наас 1.7 тэрбум ам.доллараар худалдан авч байсан бөгөөд үүнээс хойш зочид буудлын 3032 өрөөнд нийт 500 сая ам.долларын өртөг бүхий засвар үйлчилгээг хийлгэжээ.
Wall Street Journal-ийн мэдээлснээр энэхүү хэлэлцээрийг хоёр талд өгөөжтэй, ашигтай хэлэлцээр болсон үзэж байгаа бөгөөд 4.1 тэрбум ам.доллараас ч их ашиг олно гэдгийг батлаад байгаа юм.
Энэ нь тэдний үл хөдлөх хөрөнгийн зах зээлд хийж байгаа анхны хэлэлцээр биш бөгөөд ‘MGM Resort International’ компани 2019 онд ‘Bellagio’ тансаг зэрэглэлийн барилгыг ‘Blackstone’ группт 4.25 тэрбум ам.доллараар худалдан борлуулж байсан удаатай.
Лас Вегас хот дахь ‘The Cosmopolitan’ барилга нь 110 мянган мкв бүхий казино, 26 ресторан, шөнийн цэнгээний газар, 3200 хүний суудалтай театр зэргийг багтаасан тансаг зэрэглэлийн зочид буудал юм.
Эх сурвалж: Forbes
