Олон нийтийн хамгийн их ашигладаг нийгмийн сүлжээ болох ‘Facebook’, ‘Instagram’, ‘Whatsapp’ платформуудын сүлжээ өнгөрсөн шөнө 11:40 цаг орчмын үед унаж, өглөө 5-6 цагт эргээд хэвийн горимд шилжлээ. Одоогоор сүлжээ тасалдсан шалтгаан тодорхойгүй байна.
Уг асуудалтай холбоотойгоор шинжээчид өөрсдийн таамгаа дэвшүүлээд байна. Тодруулбал, ‘Anonymous’ хакерын бүлэг ‘Facebook’ компанийн сүлжээнд халдсан гэх таамаглал байгаа бол нөгөө хэсэг нь тус компанийн дотоод сүлжээний ачаалалтай холбоотойгоор сүлжээ тасалдсан байх магадлалтай хэмээн үзээд байна.
Мөн ням гарагт тус компанийн нэрээ нууцалсан ажилтан худал хуурмаг, сөрөг мэдээ мэдээллийг орлогоо өсгөхөд ашигладаг гэх мэдээллийг хэвлэлийн байгууллагуудад дэлгээд байна.
Үүнтэй холбоотойгоор өчигдөр фейсбүүкийн хувьцаа 5 хувиар унасан нь 09 дүгээр сарын дунд үетэй харьцуулахад, нийт 15 хувиар буурсан үзүүлэлттэй байгаа юм. Эдгээр алдагдал нь Марк Цукербергийг Блумбергийн тэрбумтнуудын жагсаалтаас бууруулж, тэрбээр Билл Гейтсийн дор жагсжээ.
Өнөөдрийн байдлаар нийгмийн сүлжээ ашиглагчдын дунд 3.5 тэрбум хүн ‘Facebook’ хэрэглэж байгаа гэсэн тооцоолол бий.
Эх сурвалж: New York Times
