Канадын Парламентийн ээлжит 44 дэх сонгуулийн дүнгээр Жастин Трюдогийн Либерал нам ялалт байгуулж, тус улсын Ерөнхий сайдаар 3 дахь удаагаа сонгогдон ажиллах болсонд Канадын Уул уурхайн ассоциациас сайшаалтай хандаж байна.
Энэ хүрээнд Канадын чухал ач холбогдолтой ашигт малтмалын жагсаалтад багтсан түүхий эдийн хайгуулын татварын хөнгөлөлтийг 2 хувиар нэмэгдүүлэх саналыг хүргүүлж байгаа бөгөөд уул уурхайн томоохон төсөл, хөтөлбөрийг хөдөлгөх бодлогын хүрээнд байгальд ээлтэй баттерейг хангалттай хэмжээгээр нийлүүлж, Канадын ажилчдад ашигт малтмал олборлох, боловсруулахаас эхлээд үйлдвэрлэх хүртэлх боломжийг олгож байгаа нь тус улсын уул уурхайн салбарт эерэг нөлөө үзүүлж байна.
Канадын Уул уурхайн ассоциаци нь 1935 онд байгуулагдсан бөгөөд тус холбооны гишүүдэд өнгөт болон үнэт метал, уран, очир эрдэнэ, коксжих нүүрс, битум болон бусад төрлийн ашигт малтмал олборлолтын компаниуд багтдаг. Уг байгууллага нь Канадын эдийн засгийн хувьд хамгийн чухалд тооцогдох байгууллагуудын нэг бөгөөд ДНБ-д 107 тэрбум канад ам.доллар, экспортын 19 хувийг дангаараа эзэлдэг байна. Мөн улсын хэмжээнд ажил олголтоороо 26 тутамд нэг ажлын байр санал болгодог юм.
Эх сурвалж: www.mining.com
