Технологийн хөгжилд томоохон хувьсал авчирч буй байгууллагуудын нэг болох “Apple” компани өчигдөр шөнө “California Streaming” хэмээх нэр дор шинэ загваруудаа танилцуулах нээлтээ APPLE PARK-аас шууд дамжуулсан бөгөөд тус компанийн Тэргүүн Тим Кук iPhone, iPad, Apple watch-ийн шинэ загваруудыг танилцуулжээ.
IPHONE 13
Шинээр худалдаанд гарч буй iPhone 13, iPhone 13 mini, iPhone Pro, iPhone Pro Max загварууд нь өмнөх загвартай харьцуулахад, гаднах хийц загвараараа адилхан болсон ч хоёр нарийн оруулбараараа ялгарч байна. Тодруулбал, арын камер нь хөндлөн байрлалтай болж, дэлгэцийн дээд талын хар оруулга нь багасснаар илүү том дэлгэцтэй болжээ.
Мөн дэлгэц нь 28 дахин илүү дүрслэлтэй болж, шинээр ‘Cinematic mode’, ‘Photograph Styles’ гэх функц нэмэгджээ. Ингэснээр маш өндөр нягтаршил бүхий видео, зураг авалт хийх боломжтой бөгөөд photograph styles хэсэг нь дотроо ‘Vibrant’, ‘Rich contrast’, ‘Warm’, ‘Cool’ зэрэг горимуудаас сонгож, тухайн зурагнийхаа өнгө аяс, уур амьсгалыг тохируулах боломжтой болж байна.
Өөр нэг өөрчлөлт бол шинэ загварын баттерей нь томорсон ба утасны хэмжээнээс хамааран өмнөхөөсөө 1,5-2,5 цагаар илүү цэнэгээ барих боломжтой болжээ. Тус загварт мөн A15 Bionic чипийг суулгаж өгсөн нь 15,8 триллион үйлдэл хийх чадвартай бөгөөд өөр дээрээ хиймэл оюун ухааны алгоримтыг ажиллуулах тусгай хэсгийг агуулсан байна.
Мөн шинэ загвар нь өөр дээрээ 1TB бүхий санах ойн хэмжээтэй болж буй нь бас нэг дэвшилтэт үзүүлэлт болж байна.
IPAD
Сүүлийн 2 жилд шинэчлэлт хийгээгүй байсан IPAD нь 8.3 инч дэлгэц, 12 мегапикселийн нүүрний камер, Apple Pencil-тэй гарч буй бөгөөд шинээр гарч буй загваруудтай ижил техник үзүүлэлттэй гарч байгаагаараа онцлог болж байна.
IWATCH
Энэ удаад танилцуулагдаж буй iWatch Series 7 нь өөр дээрээ илүү мэдээлэл багтаах боломжтойгоор программаа шинэчиллээ. Мөн урьд урьдийнхаа загвартай харьцуулахад, 41-45 мм-ийн дэлгэцтэй болж, хамгийн том дэлгэцтэйд тооцогдож байна.
ЭХ СУРВАЛЖ: https://www.apple.com/apple-events/september-2021/
