Монгол Улсад барилгын салбар үүсэж хөгжсний 95 жилийн ойн баярын хүрээнд “BARILGA EXPO 2021” үзэсгэлэн 14 дэх жилдээ амжилттай зохион байгуулагдаж байна.
Уг үзэсгэлэнгийн нээлтэд Барилга, хот байгуулалтын сайд Б.Мөнхбаатар, Барилгын хөгжлийн төвийн захирал Ц.Амарсанаа болон бусад барилгын салбарын төсөл хэрэгжүүлэгчид, барилгын материал үйлдвэрлэгчид, ханган нийлүүлэгчид зэрэг 120 гаруй аж ахуйн нэгжийн төлөөлөл оролцлоо.
Энэ үеэр үеэр сүүлийн үеийн барилгын дэвшилтэт техник технологи, загварын шийдэл, шинэ орон сууцны төсөл хөтөлбөрүүд болон тэдгээрийн боломжит нөхцөл, барилгын материалууд зэргийг олон нийтэд нээлттэйгээр танилцуулж байна.
Үзэсгэлэн есдүгээр сарын 09-12-ны өдрүүдэд Мишээл экспод үргэлжлэх бөгөөд 30 гаруй компани шинэ орон сууц болон барилгын материалдаа 50 хүртэлх хувийн урамшуулал зарлаад байна. Урамшууллын мэдээллийг https://www.barilga.mn/n/12509/ аваарай.
Энэ жилийн хувьд “Эдийн засгаа сэргээж, эдийн засгаа сэргээх цогц хөтөлбөр”-ийн хүрээнд төр засгаас ипотекийн зээлийн хүртээмжийг нэмэгдүүлж, иргэдийг орон сууцжуулах тал дээр илүү анхаарч байгаа ба 2020 оны 08 дугаар сарын байдлаар 8843 иргэнд 663,8 тэрбум төгрөгийн 6 хувийн зээл олгоод байна.
