Цар тахлаас өмнө Америкийн шинэ ажлын байрны 60 гаруй хувийг жижиг бизнес эрхлэгчид эзэлж, ДНБ-ийн 44 хувийг бүрдүүлдэг байв. Тэдний дийлэнх нь хадгаламжаа хоосолж, эсвэл зээл аван үйл ажиллагаагаа эхлүүлдэг. Венчур сангийн санхүүжилттэй стартапуудад ихэвчлэн цагаан арьст эрчүүд зонхилдог бол энд дурдах хувиараа бизнес эрхлэгчид Америк орны хүн ам зүйг төлөөлнө. 10 сая ам.доллараас бага орлого, санхүүжилттэй ч хүсэл эрмэлзэл, хичээл зүтгэлээр “зэвсэглэсэн” бизнес эрхлэгчдийн шинэ ангийг бий болгохын тулд “Forbes” сэтгүүл “Шинэ үеийн 1000” жагсаалтыг эхлүүлж байна. Болгооно уу.
Франциско Агилар,
37 нас
Bounce Imaging
НЬЮ-ЙОРК
Цагдаа, хүчний байгууллагууд барьцаалагчтай тулах, гал сөнөөх зэрэг аюулт ажиллагаанд оролцохдоо “Bounce”-ийн 360 градус тольддог, бөмбөг шиг камер ашиглах боломжтой боллоо. “Азаар цар тахал үндэсний аюулгүй байдалд нөлөөлсөнгүй” гэж Коста-Рика гаралтай Агилар өгүүлж байна. 2020 онд 3.6 сая ам.долларын борлуулалт хийсэн “Bounce” 8.6 сая ам.долларын санхүүжилт босгосон байна.
Ратна Шарад,
46 нас
FlavorCloud
СИЭТЛ
Зардал, чирэгдэл ихтэй, олон улсын ачаа тээвэр Covid-19-ийн үед улам дордов. “FlavorCloud” бол хил дамнасан ачаа тээврийн гааль, тарифыг зохицуулдаг нэг цэгийн үйлчилгээ юм. Шарадын үйлчлүүлэгчдийн ихэнх нь дунд хэмжээний жижиглэн худалдаа эрхлэгчид бөгөөд өнгөрсөн жил тоо нь 300 хувиар нэмэгджээ.
Доун Диксон,
42 нас
PopCom
ОХАЙО
Нисэх онгоцны буудлууд дээр чихэвч, утасны цэнэглэгч худалддаг том оврын автомат машинуудыг Диксон илүү сонирхолтой байдлаар хөгжүүлжээ. Түүний 20,000 ам.долларын үнэтэй, хиймэл оюун ухаанд суурилсан автомат машинууд удахгүй зочид буудал, нисэх онгоцны буудлуудад байрших аж. 2021 онд тэд 5.2 сая ам.долларын борлуулалт хийхээр төлөвлөж байна.
Гарри Купер,
37 нас
Rheaply
ЧИКАГО
АНУ-ын Агаарын зэвсэгт хүчин зэрэг томоохон байгууллагуудад компьютер, ажлын ширээ, лабораторийн тоног төхөөрөмж зэргээ хянахад нь тусалдаг тус компани биет хөрөнгөд зориулсан “Google”-ийг бүтээж байна. Тус стартап 2.5 сая ам.долларын санхүүжилт босгожээ.
